Skip to content
साहुको नाममा गहिरी खेत
बाबाले सीमा
पारीको देशमा
शिर भरी पसिनाको धारो
पिठ्युँमा चामलको
बोरा बोकेर
जम्मा गरेको
आठ आना जति
कमाइ
छोरा सहरमा
बस्दा ठिक्क हुन्थ्यो
बिस्तारै छोरा
एक कार्यालयको
हाकिम बने पछाडि
बिहे गरेर
त्यही सहरको
ठुलो घरमा
भाडामा बस्छ
यता छोरा सहरमा पढ्दा
बिक्री भएको
तीन रोपनी जति गहिरी खेत
साहुको नाममा छ
साठी वर्ष पुगेकी
वृद्ध भत्ता खाने आमा
वृद्ध आश्रम छन्
६५ वर्षका ज्येष्ठ नागरिक
त्यही सीमा पारिको
दैत्य सहरमा
रिक्सा चालकको काम गर्छन्
अनि भन त छोरा
त्यो वृद्ध आश्रम
सीमा पारिको
दैत्य सहर
तिमी हुर्केको पानी
चुहिने ओत र सहरको
ठुलो घर बिचको
यो अमर युद्धमा
जित कसको होला
भन त छोरा???
