आर्थिक वर्ष २०७७/७८ मा कैलालीमा ३२४ वटा सडक दुर्घटना, कुन महिना कति (विवरण सहित)

कैलाली: गएको आर्थिक वर्ष २०७७ /७८ मा कैलालीमा ३२४ वटा सडक दुर्घटना घटेका छन् । जसमा ४१० वटा सवारी साधनहरू दुर्घटनामा परेका हुन् ।

गएको आर्थिक वर्ष २०७७ /७८ मा कैलालीमा ४१० वटा सवारी साधनहरू दुर्घटनामा संलग्न रहेकामा सबैभन्दा बढी २८८ वटा मोटरसाइकलहरू सवारी दुर्घटनामा संलग्न रहेका जिल्ला ट्राफिक प्रहरी कार्यालय कैलालीको सडक दुर्घटना सम्बन्धी तथ्याङ्कमा उल्लेख गरिएको छ ।

जिल्ला ट्राफिक प्रहरी कार्यालय कैलालीको तथ्याङ्क अनुसार कैलाली जिल्लामा मात्रै गएको आर्थिक बर्स २०७७ / ७८ मा ६९ जनाले सवारी दुर्घटनामा परेर ज्यान गुमाएका छन् । कैलालीमा सडक दुर्घटनामा परि ज्यान गुमाउनेहरूमा ५१ जना पुरुष , १५ जना महिला र ३ जना बालक रहेका छन् ।

यस्तै गएको आर्थिक बर्समा कैलालीमा ३१५ जना सडक दुर्घटनामा परेर गम्भीर घाइते भएका छन् भने ३८० जना साधारण घाइते भएका छन् । गएको आर्थिक बर्समा ९ वटा चौपायाहरूको सडक दुर्घटनामा परि मृत्यु भएको छ भने ४ वटा चौपायाहरू घाइते भएका जिल्ला ट्राफिक प्रहरी कार्यालय कैलालीले जनाएको छ ।