बैतडी: बैतडीमा करेन्ट लागेर एकैघरका दुई जनाको मृत्यु भएको छ ।
जिल्लाको सुर्नया गाउँपालिका ५ स्वालीका २१ वर्षीय सन्तोष चन्द र १८ वर्षीय अमृत चन्दको करेन्ट लागेर मृत्यु भएको जिल्ला प्रहरी कार्यालयका प्रवक्ता प्रहरी निरीक्षक बोधराज ओझाले जानकारी दिए । बुधवार राती सवा ९ बजेतिर दुवै जनालाई करेन्ट लागेको बताइएको छ ।
उनीहरूलाई जंगली बँदेलका लागि थापेको विद्युतीय धरापमा परेर करेन्ट लागेको जिल्ला प्रहरी कार्यालयका प्रवक्ता प्रहरी निरीक्षक ओझाले बताए । मृतक दुवै जना सहोदर दाजुभाइ हुन् । घटनाका विषयमा थप अनुसन्धानका लागि इलाका प्रहरी कार्यालय पाटनबाट टोली खटाइएको प्रहरीले जनाएको छ ।