काठमाडौं: चर्चित रियालिटी सो ‘द भ्वाइस अफ नेपाल’ सिजन–३ को उपाधि किरण गजमेरले हात पारेका छन् । शनिवार भएको ग्राण्ड फिनालेमा भ्वाइस अफको उपाधि भूटानी शरणार्थी युवा किरण गजमेरले जितेको घोषणा गरिएको हो ।
गायक प्रमोद खरेलको टिममा रहेका गजमेरले अन्य ३ प्रतिस्पर्धी आर्यन राई, ज्वाला राई र तरा श्रीष मगरलाई पछि पार्दै उपाधि जितेका हुन् । उनले भोटका आधारमा उपाधि जितेका उनले २५ लाख रुपैयाँ पनि पाएका छन् ।
उपाधि जितेपछि उनले आफुले पाएको २५ लाख रुपैयाँ पूर्वमा रहेका भूटानी शरणार्थीका लागि एम्बुलेन्स खरिद गरिदिने बताएका छन् । अन्तिम टप-४ मा तारा टीम राजुबाट थिइन् भने ज्वाला टीम तृष्णाबाट र आर्यन टीम दीपबाट थिए ।
