SKIP THIS

 sodhpatra.com डिजिटल पत्रिका हार्दिक शुभकामना !

आज देशका अधिकांश स्थानमा वर्षाको सम्भावना !

थोरै स्थानहरुमा मेघ गर्जनसहित भारी वर्षाको सम्भावना

मौसम मनसुनी वायु पश्चिमी क्षेत्र

आइतबार देशका अधिकांश स्थानमा वर्षाको सम्भावना रहेको जल तथा मौसम पूर्वानुमान महाशाखाले जनाएको छ । महाशाखाका अनुसार प्रदेश नं १, बागमती प्रदेश, गण्डकी प्रदेश र लुम्बिनी प्रदेशका थोरै स्थानहरुमा भने भारी वर्षाको सम्भावना समेत रहेको छ।

हाल मनसुनी न्युन चापीय रेखा नेपालको तराई भूभाग नजिक रहेकाले आइतबार बिहानैदेखि प्रदेश १, प्रदेश २, बागमती, गण्डकी र लुम्बिनी प्रदेशमा सामान्य देखी पूर्ण बदली र कर्णाली प्रदेश र सुदुरपश्चिम प्रदेशमा आंशिक देखि सामान्य बदली भइरहेको छ। यस्तै प्रदेश १, प्रदेश २, बागमती, गण्डकी,, कर्णाली र लुम्बिनी प्रदेशमा केहि स्थानहरूमा हल्का देखि मध्यम वर्षा भइरहेको छ।

महाशाखाका अनुसार आइतबार राति पनि देशका अधिकांश स्थानहरुमा सामान्यदेखि पूर्ण बदली रही धेरै स्थानहरुमा हल्कादेखि मध्यम वर्षाको सम्भावना रहेको छ।

दिउँसो जस्तै राति पनि प्रदेश नं १, बागमती प्रदेश र गण्डकी प्रदेशका थोरै स्थानहरुमा मेघ गर्जनसहित भारी वर्षाको सम्भावना रहेको छ।

यो समाचार पढेर तपाइलाई कस्तो लग्यो ? प्रतिक्रिया दिनुहोस्

सम्बन्धित समाचार