बैतडी : बैतडीका एक युवकको मलेसियामा मृत्यु भएको छ ।
मृत्यु हुनेमा जिल्लाको दोगडाकेदार गाउँपालिका वडा न. ४ श्री केदारका ३३ वर्षीय गोपालसिंह विष्ट रहेका छन् । वैदेशिक रोजगारीको सिल्सीलामा रहेका उनको बुधवार मृत्यु भएको हो ।
सेक्युरिटी गार्डका रूपमा कार्यरत रहेका विष्टको ड्युटीमै रहेका बेला मृत्यु भएको बताइएको छ । उनको शव परीक्षणका लागि क्वालाम्पुर अस्पतालमा राखिएको छ । मृत्युको कारण भने खुल्न सकेको छैन ।