धनगढी : बाजुराको स्वामिकार्तिक खापर गाउँपालिकामा भिरबाट लडी घाइते भएका पुरुषको हेलिकप्टर मार्फत उद्धार गरिएको छ ।
शुक्रवार भिरबाट लडी घाइते भएका पुरुषको आज सुदूरपश्चिम प्रदेश सरकारको पहलमा नेपाली सेनाको हेलिकप्टर मार्फत उद्धार गरिएको हो ।
भिर बाट लडी घाइते भएका जिल्लाको स्वामिकार्तिक खापर गाउँपालिका २ बस्ने ४० वर्षीय नरेन्द्र बुढाको नेपाली सेनाको हेलिकप्टरमार्फत उद्धार गरी घाइते पुरुषकी श्रीमती सहित ४ जना नेपालगंज पठाइएको सुदूरपश्चिम प्रदेश सरकारको प्रवक्ता समेत रहनुभएकी आन्तरिक मामिला तथा कानुन मन्त्री पूर्णा जोशीले जानकारी दिनुभयो ।
घटना भएको जानकारी प्राप्त हुनासाथ उद्धारक लागी पहल गरिएको र अहिले उद्धार गरी पठाइएको बताउँदै मन्त्री जोशीले उद्धारका क्रममा लाग्ने खर्च प्रदेश सरकारले बेहोर्ने बताउनु भयो ।
मन्त्री जोशी अहिले गृह जिल्ला डोटी बाट अस्थायी राजधानी धनगढी आउँदै हुनुहुन्छ । भने उहाँले यात्राकै क्रममा भिर बाट लडी घाइते नरेन्द्रको उद्धारको लागी पहल गर्नु भएको हो ।
