धनगढी : सुदूरपश्चिम प्रदेश प्रहरी कार्यालय, धनगढीले अविरल वर्षाका कारण प्रदेशमा आएको बाढी, पहिरोबाट २८ जनाको मृत्यु भएको जनाएको छ ।
सो कार्यालयका अनुसार डोटीमा १३, बझाङमा आठ, बैतडीमा चार, डडेल्धुरामा दुई र कैलालीमा एक जनाको मृत्यु भएको हो ।
यसै गरेर डोटीमा आठ, बैतडीमा दुई, डडेल्धुरामा पनि दुई र बझाङमा एक जना घाइते भएका छन् ।
त्यस्तै गरेर बझाङमा २० र कैलालीमा एक गरेर २१ जना बेपत्ता भएका छन् ।
