धनगढी : नेपाली काँग्रेस कैलालीको शनिवार (भोलि) बाट सुरु हुने वडा अधिवेशनमा युवा नेता गजेन्द्र सिंहले धनगढी उप-महानगरपालिका वडा. नं. ३ को वडा सभापति पदको लागी उम्मेदवारी घोषणा गरेका छन् ।
शुक्रवार बिहान पत्रकार सम्मेलनको आयोजना गर्दै सिंहले सो बारे जानकारी दिएका हुन् ।
नेपाली काँग्रेसमा विगत २१ वर्ष देखी सक्रिय रहेका सिंहले धनगढी वडा नंं. ३ मा नेपाली काँग्रेस भित्र भएको विवादलाई समेत सुल्झाउन सक्ने र नेपाली राजनीतिमा सक्षम युवा नेतृत्वको आवश्यकता रहेको हुँदा आफूले उम्मेदवारी दिएको बताए ।
त्यस्तै, उनले आफूले धनगढी उप-महानगरपालिका वडा नं. ३ को परिवेश, समाज बुझेको र सबै क्रियाशील सदस्यहरू लगायत वडा बासीलाई एकजुट बनाएर अघि बढ्न सक्ने क्षमता आफूमा रहेकोले यसपालिको अधिवेशनमा आफूलाई जिताउन आग्रह गरेका छन् ।
