- गजल
जीवन र मरणको सङ्घार मा फसेको छु
कर्तव्य या खुसी रोजूँ दोधार मा फसेको छु ।
समस्यामा जेलिएको छ कसरी म पार गरूँ
खुकुरी को धार जस्तो तरबारमा फसेको छु ।
खुसी फुल्ने बोट मेरा जरैदेखि मासिएका छन् ।
निरसिलो उजाडिलो सन्सार मा फसेको छु
हर पल यो नियतले दिने चोट सहेर नै
काँडारूपी जिन्दगी को प्रहारमा फसेको छु ।
चाह थियो सलल नदी सरि बगी जाने
हुत्त्याउँदा समयले किनारा मा फसेको छु ।।
लेखक
नाम : कृष्ण भाट
जन्मस्थान : आदर्श गा.पा.४ सुन्दर बस्ती रोडिङ्ग, डोटी
हाल : काठमाडौँ, नेपाल
