डोटीका चारसय भुकम्प पिडित परिवारलाई नेपाल परिवार दलले राहत वितरण गरेको छ ।
नेपाल परिवार दलका सुदूरपश्चिम संयोजक खडक नागरीको पहल र बोधिसत्त्व बिहारको सहयोगमा सायल गाउँपालिका वडा न ५ डोटी का चार सय परिवारलाई राहत वितरण गरिएको हो ।
भूकम्प पीडितहरूलाई खाद्यवस्तु ,औषधि ,कापी तथा कम्बल वितरण गरिएको छ । त्यस्तै डोटीको श्री कालिका मा।वि का २०० जना विद्यार्थीलाई स्टेशनरी सामग्री ,२०० जनालाई बलाङकेट समेत वितरण गरिएको थियो । राहत वितरणको क्रममा बोधिसत्त्व विहारका अध्यक्ष लगायतका विदेशी नागरिकहरूले भूकम्पबाट क्षति भएका घरहरूको अवलोकन गरी सो क्षेत्रका घरहरू मर्मतका लागि आश्वासन दिएका छन् ।
डोटीमा यही कार्तिक २२ गते गएको भूकम्पले ६ जनाको ज्यान जानुका साथै सात सय बढी घरमा क्षति पुर्याएको थियो ।
