धनगढीमा जागौँ युवा संस्थाले खोलानाला सरसफाई अभियान सुरु गरेको छ। आज (शनिबार) धनगढी उपमहानगरपालिका–८ मा रहेको शिवनगर नालामा सरसफाई गरेर उक्त अभियानको सुरुवात गरिएको हो।
शिवनगर खोलामा रहेको स्टिल पुल (सेल्फी पुल) मुनी रहेको फोहोर सफा गरेर अभियानको सुरुवात गरिएको सस्थाका अध्यक्ष नवराज जोशीले बताए।
धनगढीका अधिकाशं खोलानालाहरु र्दुगन्धित रहेको र यो अभियानले खोलानालाको सरसफाई गर्ने तथा उक्त स्थानहरुमा फोहोर नगर्न जनचेतना फैलाउने कार्य गर्ने जोशीले बताए।
धनगढीका अधिकाशं खोला नालामा तथा खोलाको छेउछाउमा फोहोर फाल्ने गरिएको देखिएको छ। खोलानालामा तथा सार्वजनिक स्थानमा फोहोर नगर्न धनगढी उपमहानगरपालिकाले पनि आग्रह गर्दै आएको छ।
