धनगढी : सुदूरपश्चिम प्रदेश सभा बैठक साँझसम्मका लागि स्थगित गरिएको छ ।
दिउसो २ बजे आह्वान गरिएको प्रदेश सभाको दोस्रो कार्यकालको प्रथम अधिवेशनको ९ औं बैठक साँझ ५ बजेसम्मा लागि स्थगित गरिएको हो ।
प्रदेश सभा सचिवालयले सूचना टाँस गर्दै विशेष कारणबस बैठक साँझसम्मका लागि स्थगित गरिएको जानकारी दिएको छ । ‘शनिबार दिनको २ बजे बस्ने भनिएको प्रदेश सभाको प्रथम अधिवेशनको नवौ बैठक विशेष कारणवस स्थगित भई आज साँझ ५ बजे बस्ने सूचनामार्फत जानकारी गराइन्छ’ सचिवालयले टाँस गरेको सूचनामा भनिएको छ ।
प्रदेश सरकारले मन्त्रीमण्डललाई पूर्णता दिन नसक्दा बैठक साँझसम्मका लागि स्थगित गरिएको जनाइएको छ । प्रदेश सरकारले पूर्णता पाएलगत्तै संसदीय समिति विस्तार गरिने छ ।
