काठमाडौं : भारतमा गुडिरहेको रेलमा गोली प्रहार गरिएको छ । रेलवे सुरक्षा बल (आरपीएफ)का एक हवल्दारले गोली हानेका हुन् ।
सोमबारको यो घटनामा चारजनाको मृत्यु भएको छ । रेलमा सवार आरपीएफकै सहायक सब–इन्स्पेक्टर र तीन यात्रीको मृत्यु भएको भारतीय सञ्चारमाध्यमले जनाएका छन् ।
सो रेल जयपुरबाट मुम्बई जाँदै थियो । महाराष्ट्रको पालघर रेलवे स्टेसननजिकै पुगेपछि गोली प्रहार गरिएको जनाइएको छ ।
ती हवल्दारले आफूसित रहेको स्वचालित हतियारबाट गोली हानेका थिए । उनलाई पक्राउ गरिएको रेलवे सुरक्षा बलले जनाएको छ ।
