धनगढी : सैनिक आवासीय महाविद्यालय तेघरी कैलालीमा कक्षा ६ मा अध्ययनरत हिमान्सी सिंहले धनगढी १३ स्थित दृष्टि फाउन्डेसनका ६० जना असहायहरू माझ जन्मदिन मनाएकी छन् ।
मङ्गलवार १३औँ जन्मोत्सवको अवसरमा सिंहले दृष्टि फाउन्डेसनमा रहेका ६० जना असहायहरूलाई एक छाक खाना खुवाएर जन्मोत्सव मनाएकी हुन् ।
![](https://sodhpatra.com/wp-content/uploads/2023/09/image-13.png)
सानैदेखि सामाजिक कार्यमा रुचि राख्ने हिमान्सी भड्किलो बर्थडे पार्टीभन्दा असहायलाई सहयोग गर्न पाउँदा खुसी हुन्छिन् ।
![](https://sodhpatra.com/wp-content/uploads/2023/09/image-14-1920x1080.png)
घरमा कोही माग्न आए पनि उनले केही न केही दिएर पठाउन पाउँदा खुसी हुने र सद्भाव सहित खुसी बाँड्न रुचाउने उनको इच्छालाई मध्यनजर गर्दै यस अघि पनि धनगढीकै आमाको माया छात्रावासमा सिंह परिवारले हिमान्सीको जन्मदिन मनाएका थिए ।
![](https://sodhpatra.com/wp-content/uploads/2023/09/image-11.png)
भने त्यो भन्दा पहिलेका जन्मोत्सवमा पनि हरेक जन्मदिनको अवसरमा विभिन्न क्षेत्रमा रहेका गरिब तथा विपन्न परिवारका बालबालिकालाई सहयोग गर्दै हिमान्सीको खुसीमा परिवारले साथ दिँदै आएको छ ।
![](https://sodhpatra.com/wp-content/uploads/2023/09/image-12.png)
उक्त सत्कर्मका क्रममा दृष्टिफाउण्डेसनमा सहभागी हिमान्सीका बुबा हरेन्द्र बहादुर सिंह, आमा उत्तरा बम सिंह र दाइ हार्दिक सिंहले हिमान्शुको रुचि बाट आफूहरू प्रभावित र निकै खुसी भएको व्यक्त गर्दै उनको खुसीलाई सदैव कदर गर्दै आगामी दिनहरूमा पनि जन्मदिनलाई पश्चिमा करण नगरी, भड्किलो नबनाई, अनावश्यक खर्चलाई जोगाएर सामाजिक कार्यमा योगदान सक्दो गर्ने बताएका छन् ।
![](https://sodhpatra.com/wp-content/uploads/2023/09/IMG_9280-1920x1080.jpg)