![क्रिकेटर सन्दिप लामिछानेलाई निर्दोष ठहर [भिडियो]](https://i0.wp.com/sodhpatra.com/wp-content/uploads/2024/05/Sandeep-lamixane.jpg?fit=150%2C79&ssl=1)
भक्तपुर : मेडिकल व्यवसायी तथा गणतन्त्र विरोधी अभियन्ता दुर्गा प्रसाईँको भक्तपुर स्थित निवासमा नेपाल प्रहरीको स्पेसल टाक्स फोर्स परिचालन गरिएको छ ।
आन्दोलन जारी राख्ने भन्दै आक्रामक अभिव्यक्ति दिए पनि उनलाई प्रहरीले निगरानीमा राखेको हो । आज तीनकुनेमा सो अभियानले प्रदर्शन गर्ने तयारी गरे पनि काठमाडौँ प्रशासनले रोक लगाएको थियो । प्रसाईंले आफू होम एरेस्टमा रहेको भन्दै सरकारले तीनकुनेमा प्रदर्शन नदिए पनि देशभर प्रदर्शन हुने बताए ।
दुर्गा प्रसाईंले आन्दोलनकारीलाई लिएर नेताहरूको घरमा जाने बताएका छन् । हिजोदेखि ‘व्यवस्था विरोधी’ आन्दोलन सुरु गरेका प्रसाईंले दुखित चेलिबेटीहरूलाई लिएर घर घेराउ गर्ने बताएका हुन् ।
‘अब यी चेलिबेटीसहित म प्रचण्ड र ओलीको घर घेर्न जान्छु,’ प्रसाईंले भने, ‘अब उनीहरूले उहाँहरूको जिम्मा लिनुपर्नेछ ।’
उनले काठमाडौँ, भक्तपुर र ललितपुरका नेवार समुदाय पनि आन्दोलनमा आउनुपर्ने उनले बताएका छन् ।
‘आज यो आन्दोलनमा तपाईंहरू आउनु भएन भने भोलि तपाईंहरूको धनीपुर्जा पनि हुन्न् ।’
दुर्गा प्रसाईं नेतृत्वको ‘राष्ट्र, राष्ट्रियता, धर्म, संस्कृति र नागरिक बचाऊँ महाअभियान’को समर्थनमा निस्किएकाहरुलाई प्रहरीले धमाधम पक्राउ गरेको छ । प्रसाईंले प्रदर्शन स्थल घोषणा गरेको काठमाडौँको तीनकुनेबाट अहिलेसम्म २६ जनालाई पक्राउ गरिएको जिल्ला प्रहरी परिसर काठमाडौँका एकजना अधिकृतले बताए ।
