गायक तथा संगितकार बाबुल गिरिको स्वर र संगित रहेको ‘वाह वाह वाह’ गितले एक महिनामा तीस लाख बढि भ्युज पाएको छ । अभिनेत्री रेखा थापाको ‘उपहार’ फिल्मको यो पहिलो गीत हो । शंकर अधिकारी (घायल)को शब्द रहेको गीतमा संगीतकार गिरी र गायिका एलिना चौहानको स्वर रहेको छ ।
कविराज गहतराजको कोरियोग्राफी रहेको गीतमा अभिनेत्री थापासँग अभिनेता मुकुन भुषालले जोडी बाँधेर नाचेको देख्न सकिन्छ भने पूजा शर्माले डेब्यू अभिनेता समर्पण जंग कार्कीले कम्मर मर्काएका छन् । यस्तै,अभिनेत्री बेनिशा हमालसँग तेज गिरी रोमान्टिक मुडमा देखिएका छन् ।
रेखा फिल्मस् र कपनगढी सिनेमाको ब्यानरमा निर्माण भएको सिनेमालाई ज्ञानेन्द्र देउजाले निर्देशन गरेका हुन् । सिनेमा फागुन २५ गते रिलिज हुँदैछ ।
सुलभ प्रतिक देउना र समीक्षा देउजा निनर्माता रहेको सिनेमाका कार्यकारी निर्माता बलराम शाही ठकुरी हुन् । सिनेमामा शिशिर राणा, सुष्मा कार्की, अंशु महर्जन, शोब्रस घिमिरे ढुकुरे, आशा भुषाल, विनोद कुमार पौडेल, मञ्जु श्रेष्ठ, कमल भट्ट, राइडर प्रशान्त र सरिता राजोपाध्याय लगायतका कलाकारको अभिनय रहेकको छ ।
