धनगढी : महाशिवरात्रिमा विशेष मेला लाग्ने धनगढी उप-महानगरपालिका वडा नम्बर ४ मा अवस्थित श्री शिवपुरी उत्तररामेश्वरम ज्योतिर्लिङ्ग धाममा शृङ्गारिक महाआरती सहितको ११ औँ श्रीमद भागवत प्रवचन, मत्स्यपुराण पारायण आयोजना गरिएको छ ।
सुदूरपश्चिममै चर्चित धार्मिक पर्यटकीय स्थलका रूपमा स्थापित भइरहेको उक्त धाममा आज अर्थात् फागुन ७ गते श्रीमद भागवत प्रवचन, मत्स्यपुराण पारायणको सप्तम दीन हो, भने आठौँ दिन सम्पन्न हुने आयोजक समितिले जनाएको छ ।
![](https://sodhpatra.com/wp-content/uploads/2024/02/image-18-1918x1080.png)
विवाह, व्रतबन्धजस्ता तथा पूजाआजासँगै धनगढी पुगेर यहाँका पर्यटकीय क्षेत्रको भ्रमण गर्न/अवलोकनका लागि, बजारबाट नजिक भएकाले पनि होला आन्तरिक र बाह्य (भारतीय) पर्यटक को पहिलो रोजाइमा शिवपुरी बन्ने गरेको छ ।
![](https://sodhpatra.com/wp-content/uploads/2024/02/image-19.png)
शिवपुरी वनसँगै जोडिएकोले वरिपरि जङ्गलले ढाकेको, आठ बिघा क्षेत्रफलमा फैलिएको धाम धार्मिक दृष्टिले मात्र नभई भौतिक रूपमा पनि उत्तिकै सुन्दर र रमणीय छ। यहाँ १ सय ८ फिट अग्लो शिवलिंग स्थापना गरिएको छ। जसलाई दक्षिण एसियाकै सबैभन्दा अग्लो शिवलिंग पनि भन्ने गरिन्छ।
![](https://sodhpatra.com/wp-content/uploads/2024/02/image-20-1439x1080.png)
धाममा नेपाल माताको मूर्तिलगायत अन्य विभिन्न धार्मिक आस्थाका धरोहरहरू क्रमशः एक सय ८ फिट अग्लो ज्योतिर्लिङ्ग, १ सय ८ तुलसी मठ, एक सय आठ गौमुखी धारा, नेपाल माताको मन्दिर, सूर्यनारायणको मन्दिर, धार्मिक कार्यका लागि पाँच वटा मण्डप, गणेश मन्दिर, मुक्तिनाथ मन्दिर, सूर्यनारायणको मन्दिर, दुर्गा मन्दिर र उग्रतारा मन्दिर पनि निर्माण गरिएका छन् भने, भिक्षु, भिक्षुणी बस्न व्यवस्थित कुटिहरू पनि निर्माण गरिएका छन्।
![](https://sodhpatra.com/wp-content/uploads/2024/02/image-21-1439x1080.png)
धनगढीमा शिवपुरी धाम, जाखोर ताल, बेहडाबाबा लगायत बजारनजिक पर्ने पर्यटकीय क्षेत्रलाई जोडेर नगरको पर्यटन कोरिडोर निर्माण गर्न सके अझै धनगढीको पर्यटन विकासमा टेवा पुग्ने देखिन्छ ।
![](https://sodhpatra.com/wp-content/uploads/2024/02/image-22-1439x1080.png)
![](https://sodhpatra.com/wp-content/uploads/2024/02/image-23-1439x1080.png)
![](https://sodhpatra.com/wp-content/uploads/2024/02/image-25-1440x1080.png)
![](https://sodhpatra.com/wp-content/uploads/2024/02/image-24-1439x1080.png)