बडेहा बिजौरा खानेपानी उपभोक्ता तथा सरसफाइ समितिको अध्यक्ष पदका लागि रमेश प्रसाद भट्ट प्रमुख दाबेदारका रूपमा अघि बढिरहेका छन्। युवा व्यवशायीका रुपमा परिचित भट्ट इमानदार, सरल र निष्ठावान् व्यक्तित्वका रूपमा परिचित छन्। उपभोक्ताहरूको व्यापक समर्थनका कारण उनी प्रतिस्पर्धामा बलियो स्थानमा रहेको बताइन्छ।
भट्टले आफू जित्ने कुरामा पूर्ण विश्वस्त रहेको उल्लेख गर्दै खानेपानी व्यवस्थापनको भविष्य उज्ज्वल बनाउने प्रतिबद्धता जनाएका छन्।
“यो केवल चुनाव जित्ने विषय होइन, दीर्घकालीन रूपमा व्यवस्थित खानेपानी सेवा प्रवाह गर्नु मेरो प्राथमिक लक्ष्य हो। उपभोक्ताहरूको विश्वासले मलाई थप जिम्मेवार बनाएको छ, र म निरन्तर सकारात्मक कार्यमार्फत सेवा दिन प्रतिबद्ध छु,” उनले भने।
उपभोक्ताहरूको विश्वास र लोकप्रियता
स्थानीय बासिन्दाहरू भट्टलाई अत्यधिक मन पराउने बताउँछन्। गाउँ-टोलमा जाँदा जब उपभोक्ताहरूलाई “आगामी अध्यक्ष को?” भनेर सोधिन्छ, तब अधिकांशले रमेश प्रसाद भट्ट को नाम उच्चारण गर्ने गरेको समर्थकहरूको दाबी छ।
६०७ परिवार उपभोक्ताहरूको मताधिकार रहेको समितिमा भट्ट नेतृत्वको प्यानल मजबुत देखिएको छ। उनले अनुभव भएका व्यक्तिहरूलाई आफ्नो टिममा समेट्दै स्थिर र प्रभावकारी व्यवस्थापन गर्ने योजना अघि सारेका छन्।
स्थिर नेतृत्वको आवश्यकता र भट्टको अठोट
खानेपानी व्यवस्थापनजस्तो संवेदनशील विषयमा स्थिर नेतृत्वको आवश्यकता रहेको भन्दै उपभोक्ताहरू भट्टको पक्षमा देखिएका छन्। “उहाँको नेतृत्वमा हामीले विश्वसनीय सेवा पाउने आशा गरेका छौँ। उहाँको इमानदारी, दूर दृष्टि र नेतृत्व क्षमताका कारण हामी सबै उहाँलाई समर्थन गरिरहेका छौँ,” एक उपभोक्ताले प्रतिक्रिया दिए।
भट्टका अनुसार, “मेरो उद्देश्य चुनाव जित्नु मात्र होइन, भविष्यमा उपभोक्ताहरूको हितलाई प्राथमिकतामा राखेर दीर्घकालीन समाधानको पहल गर्नु हो। जनताले गरेको विश्वासलाई म कर्ममार्फत प्रमाणित गर्नेछु।”
उपभोक्ताहरूको विश्वास अनुसार भट्टको नेतृत्वमा खानेपानी व्यवस्थापन अझ व्यवस्थित, पारदर्शी र प्रभावकारी हुने अपेक्षा गरिएको छ। अब चुनावी नतिजाले भट्ट नेतृत्वको प्यानललाई औपचारिक रूपमा विजयी बनाउने मात्र बाँकी रहेको समर्थकहरूको भनाइ छ।
