धादिङ,१५ असार ।
नेपालमा कोरोना संक्रमितको संख्या १३ हजार २ सय ४८ पुगेको छ । आज देशभर बिभिन्न स्थानमा गरिएको परिक्षणमा थप ४ सय ७६ जनामा कोरोना संक्रमण पुष्टि भएको स्वास्थ्य मन्त्रालयका प्रवक्ता डा. जागेश्वर गौतमले बताउनुभयो ।
हिजो आईतबार ४ सय ६३ जनामा कोरोना भाइरसको संक्रमण पुष्टि भएको थियो । कोरोना संक्रमित मध्ये ११ हजार ६ सय ६२ पुरुष र १ हजार ५ सय ८६ जना महिला रहेका छन् ।
सङ्क्रमितमध्ये पछिल्लो अपडेट अनुसार १ सय २१ जना डिस्चार्ज भएसँगै निको हुनेको सङ्ख्या ३ हजार १ सय ३४ पुगेको छ भने ७७ जिल्लामै कोरोना संक्रमण फैलिएको डा.गौतमले बताउनुभयो ।
