धनगढी: बैतडीमा प्रहरीले एकनाले भरुवा बन्दुकसहित दुई जनालाई पक्राउ गरेको छ।
पक्राउ पर्नेमा जिल्लाको पाटन नगरपालिका -१ सकारका ३८ वर्षीय लक्ष्मण भट्टराई र ३६ वर्षीय नारदप्रसाद भट्टराई रहेका छन्। उनीहरुलाई बिहीबार बराइल रौटे जंगलबाट फर्किरहेको अवस्थामा बन्दुकसहित पक्राउ गरिएको इलाका प्रहरी कार्यालय पाटनले जनाएको छ।
पक्राउ परेका दुवै जनामाथि अनुसन्धान भईरहेको र हातहातियार तथा खरखजना ऐन अनुसार कारबाही हुने प्रहरी निरीक्षक राजेश शाहीले बताए।
