काठमाडौं : विवेकशील साझासहित ३१ वटा दलले आगामी चुनावमा चुनाव चिन्ह नपाउने भएका छन् । बैशाख ३० गते हुने आगामी चुनावमा आफ्नो दलले चुनाव चिन्ह नपाउने भएपछि ३१ वटा साना दल आन्दोेलित भएका हुन् ।
स्थानीय तह निर्वाचन ऐन २०७३ अनुसार राष्ट्रिय मान्यता प्राप्त दलले मात्र आफ्नो चुनाव चिन्ह पाउने र अन्य दलले स्वतन्त्र उम्मेदवारको हैसियतमा चुनाव चिन्ह पाउने व्यवस्थाप्रति साना दलले आपत्ति जनाएका हुन् ।
साना दलले राष्ट्रिय मानव अधिकार आयोग तथा निर्वाचन आयोगलाई पनि पत्र समेत बुझाएका छन् । आयोगमा दर्ता भएका दलहरुलाई चुनाव चिन्ह नदिनु संविधानको मुल्य मान्यताको समेत विपरित उनीहरुको भनाई छ ।
