धनगढी : धनगढीबाट लागु औषध सहित एक जना पक्राउ परेका छन् । पक्राउ पर्नेमा कैलालीको गोदावरी नगरपालिका १ अनामनगर बस्ने २२ वर्षीय बिनोद चौधरी रहेका छन् ।
उनलाई २५४ नाईट्रोभेट ट्याब्लेट, २३८ स्पास, १८ ट्याब्लेट ट्रमा डोल सहित बुधवार १४ः४५ बजेको समयमा धनगढी उप-महानगरपालिका २ ट्राफिक चोकमा खटिएको प्रहरी टोलीले शङ्कालागि चेकजाँच गर्ने क्रममा पक्राउ गरेको जिल्ला प्रहरी कार्यालय कैलालीका प्रवक्ता एवम् प्रहरी नायव उपरीक्षक वेद प्रकाश जोशीले जानकारी दिए ।
चौधरीलाई नियन्त्रणमा लिई थप अनुसन्धान कार्य भई रहेको जिल्ला प्रहरी कार्यालय कैलालीले जनाएको छ ।
