धनगढी: पूर्व प्रधानमन्त्री तथा नेकपा एमालेका अध्यक्ष केपी शर्मा ओलीले धनगढीमा नेकपा एमालेले उठाएका उम्मेदवारहरू जनताका मुद्दामा खरो भएर काम गर्ने बताएका छन् । धनगढी रङ्गशालामा आयोजित चुनावी सभालाई सम्बोधन गर्दै ओलीले एमाले धनगढी उपमहानगरपालिकामा उठाएका उम्मेदवारले जनताको आवश्यकता र चाहना अनुरूप काम गर्ने बताएका हुन् ।
आलीले अहिलेको परमादेश सरकार संविधान विपरीत बनेका कारण यो सरकारलाई बिदाइ गर्नुपर्ने बताए। अहिले त्यही गठबन्धन र एमालेबिचको लडाई रहेका कारण एमालेलाइ नै विजयी गराउन ओलीले आग्रह गरे । सडक चौडा, कृषिको आधुनिकीकरण, पर्यटनको विकास लगायतका एजेन्डा स्थापित गराउन एमालेलाई विजयी गराउनुपर्ने ओलीले ओलीको भनाई थियो ।
”धनगढी उप-महानगरपालिकामा पनि एमालेले अघि सारेका उम्मेदवारलाई विजयी गराउनुस् । भ्रष्टाचार शून्यमा झार्ने छन् । जनताका मुद्दामा खरो भएर उत्रिने छन् । समुन्नत नगरको हितमा उभिने छन् । तपाई हरुलाइ म विस्वादता पार्न चाहन्छु ।” अध्यक्ष ओलीले भने ।
