धनगढी : धनगढीको नेपाल वेस्टर्न म्यानेजमेन्ट एण्ड इन्जिनियरिङ कलेजले ‘पेस र्याली’ शान्ति र्यालीको आयोजना गरेको छ । सोमबार कलेजको विद्यार्थी क्लबले २५६६औँ बुद्ध जयन्तीको अवसर पारी पेस र्यालीको आयोजना गरेको हो ।
विश्वमा शान्ति स्थापनाको नाराको साथ कलेजका विद्यार्थी र शिक्षकहरूको सहभागितामा कलेज परिसरबाट धनगढी ट्राफिक चौराहा र ट्राफिक चौराहा देखी कलेज परिसर सम्म सो र्याली कार्यक्रमको आयोजन गरिएको नेपाल वेस्टर्न म्यानेजमेन्ट एण्ड इन्जिनियरिङ कलेज का (बिबिए-बि आई) हेड सुमित पन्तले जानकारी दिए ।
नेपाल वेस्टर्न म्यानेजमेन्ट एण्ड इन्जिनियरिङ कलेजले विभिन्न समयमा मिनी म्याराथन, रक्तदान कार्यक्रम लगायतका अन्य सामाजिक कार्यहरू गर्दै आइरहेको छ ।
