धनगढी : सुदूरपश्चिमका चर्चित देउडा गायक महेश कुमार औजीको स्वरमा रहेको “लैजा परान भाग १”गीत सार्वजनिक भएको छ । औजीकै शब्द तथा सङ्गीतमा रहेको उक्त गीत शनिबार देउडा दर्पण युट्युब च्यानल बाट सार्वजनिक भएको हो ।
गायक महेश कुमार औजीले यो गीत माया प्रेम र बिछोड बेदना मा आधारित रहेको बताउनुभएको छ । अहिले लैजा परान भाग १ सार्वजनिक भएको उहाँले बताउनुभयो लैजा परान गितकाे चार पाँच भाग रहेको छ । गीत फरक फरक भएपनि शिर्षक एउटै रहने भन्नुभयो आगामी दिनमा अरु भाग पनि सार्वजनिक गर्ने बताए ।
उनले आफ्नो सांगीतिक यात्रा २०५५ सालबाट शुरु गरेका हुन । लोकप्रिय गायक औजीले विशेष गरी आफ्ना गीतहरुमा स्वयं नै शब्द रचना र लय गर्दै आएका छन । यसैगरी उनले हालसम्म ५०० वटा गीतहरु बजारमा ल्याइसकेको बताए ।
पछिल्लो समयदेखि सुदूरपश्चिमको कला संस्कृतिलाई गीतहरूको माध्यमबाट जगेर्ना आइरहेकाे देउडा गायक औजीले बताउनुभयो यो गीतलाई पनि दर्शक तथा श्रोताको माया पाउनेमा विश्वस्त रहेको बताएका छन् ।
