धनगढी : कर्णाली प्रदेशको दैलेखमा लोपोन्मुख राउटे समुदायलाई लक्षित गर्दै निःशुल्क स्वास्थ्य शिविर सञ्चालन गर्ने प्रतिबद्धता गरिएको छ । जिल्लाको गुराँस गाउँपालिका वार्ड नं. १ मा रहेको उक्त समुदायमा अवलोकन गर्न पुगेका ‘ब्याग अफ होप’का पदाधिकारीहरूले निःशुल्क स्वास्थ्य शिविर सञ्चालन गर्ने प्रतिबद्धता गरेका हुन् ।
ब्याग अफ होपका एस.पी भट्ट र नितेश जोशी करिब करिब ३० घण्टाको यात्रा तय गरेर त्यहाँका मानिसहरूको आर्थिक सामाजिक र स्वास्थ्य स्थितिबारे अवलोकन गर्न गएका बेला गुराँस गा पा ०१ दैलेख पुगेरै स्थानीय राउटे समुदायका बासिन्दा सङ्ग निःशुल्क स्वास्थ्य शिविर सञ्चालन गर्ने बाचा गरेका छन् ।
‘अहिले हामी अवलोकन र समन्वयका लागि यहाँ आइपुगेका हौ, चाँडै विशेषज्ञ सहितको स्वास्थ्य शिविर पुर्याउँछौँ ।’ उक्त कार्यक्रमको नेतृत्व समेत गरिरहेका युवा एस.पी भट्टले बताए ।
