कञ्चनपुरः मोटरसाइकलमा हिडिरहेको अवस्थामा खुकुरी प्रहार हुँदा पुनर्वासमा एक जना युवक गम्भीर घाईते भएका छन ।
कञ्चनपुरको पुनर्वास नगरपालिका ६ स्थित नगरपालिका कार्यालय अगाडि बुधबार दिउँसो मोटरसाइकलमा हिडिरहेको अवस्थामा खुकुरी प्रहार हुँदा पुनर्वास ३ का २३ वर्षीय माने तामाङ गम्भीर घाईते भएको जनाईएको छ ।
खुकुरी प्रहारबाट घाईते तामाङको गर्धनमा, पिठ्युँ र हातमा ठुलो चोट लागेको छ । घाईते तामाङको पुनर्वास पोलिक्लिनिक प्रालि आईबिआरडीमा उपचार भइरहेको छ । खुकुरी प्रहार गर्ने समुह फरार रहेको भएपनि उनिहरुको खोजी कार्य भईरहेको कञ्चनपुर प्रहरीले जनाएको छ ।
