धनगढीः कैलाली उद्योग वाणिज्य संघका अध्यक्ष पुष्पराज कुँवरले नेपाल उद्योग वाणिज्य महासंघको केन्द्रीय सदस्यका लागि उम्मेदवारी घोषणा गरेका छन् ।
आगामी मंसीर ११ देखि १३ गतेसम्म हुने महासंघको ५४ औं साधारण सभा तथा अधिवेशनका कुँवरले केन्द्रीय सदस्यमा उम्मेदवारी दिएका हुन् । सुदूरपश्चिम प्रदेशको तर्फबाट केन्द्रीय सदस्यमा उम्मेदवारी दिएको अध्यक्ष कुँवरले जानकारी दिए ।
उनले यहाँका उद्योगी व्यवसायीहरुको समस्या र एजेण्डाहरुलाई सशक्त रुपमा उठाउने प्रतिबद्धता सहित आफूले केन्द्रीय सदस्यमा उम्मेदवारी दिएको बताए । साथै उनले व्यवसायीहरुबाट अत्याधिक मत पाएर विजयी हुने आशा पनि व्यक्त गरेका छन् ।
