नेपाली बजारमा सोमवार पनि सुनको मूल्यमा गिरावट आएको छ ।
अघिल्लो दिनको तुलनामा यस दिन सुनको मूल्यमा २ सय रुपैयाँको गिरावट आएको हो । सोमवार नेपाली बजारमा छापावाल सुनको मूल्य प्रति तोला ९१ हजार ६ सय रुपैयाँ कायम गरिएको नेपाल सुनचाँदी व्यवसायी महासंघले जनाएको छ ।
यस दिन तेजाबी सुन प्रति तोला ९१ हजार १ सय रुपैयाँमा कारोबार भइरहेको छ । अघिल्लो दिन तेजाबी सुन प्रति तोला ९१ हजार ३ सय रुपैयाँमा कारोबार भएको थियो ।
महासंघका अनुसार, सोमवार चाँदी प्रति तोला १ हजार २ सय ३० रुपैयाँ कायम भएको छ । अघिल्लो दिन पनि चाँदी सोही मूल्यमा कारोबार भएको थियो ।
