धनगढी : सुदूरपश्चिमका पहाडी तीन जिल्लामा नेपाल टेलिकमको सेवा अवरुद्ध भएको छ ।
शुक्रबार साँझ आएको हावाहुरीका कारण डडेल्धुराको भालुमारेमा नेपाल टेलिकमको फाइबर ब्रेक भएपछि बैतडी, दार्चुला र बझाङमा टेलिकमको सेवा पूर्णरुपमा अवरुद्ध भएको हो ।
हावाहुरीले विद्युतको पोल ढलेपछि फाइबर ब्रेक भएको र टेलिकमले प्रदान गर्ने भ्वाइस र इन्टरनेट सेवा अवरुद्ध भएको नेपाल टेलिकमले जनाएको छ । अवरुद्ध सेवा सुचारुका लागि प्राविधक टोली खटिएको बताइएको छ ।
