अछाम : भारतमा मजदुरीका लागि गएका अछामका एक जनाको हत्या भएको छ । जिल्लाको चौरपाटी गाउँपालिका-१ का झुसे साउँदको पञ्जाबको लुधियानामा हत्या भएको हो ।
भारतको पञ्जाबमा बसेर मजदुरी गर्दै आएका साउँदको त्यहीँ हत्या भएको परिवारले जनाएको छ । केही दिनदेखि वेपत्ता भएका साउँदको ४/५ दिनपछि हत्या गरिएको अवस्थामा शव भेटिएको बताइएको छ ।
उनको के कारणले हत्या गरिएको हो भन्ने खुलेको छैन् । परिवारले दिएको जानकारी अनुसार पञ्जाव प्रहरीले हत्यामा संलग्न भएको आरोपमा सोही गाउँपालिकाकै वडा नम्बर ३ का एक जनालाई नियन्त्रणमा लिएको छ ।
घटनाबारे प्रहरीले थप अनुसन्धान थालेको छ । यता आफ्न्तले भने हत्यामा संलग्नलाई कडा कारबाहीको माग गरेका छन् ।
