एटलान्टिक महासागरमा टाइटानिक जहाजकाे भग्नावशेष हेर्न पनडुब्बी जहाजमा गएका पाँचै जनाकाे ज्यान गएकाे छ । अमेरिकी काेस्ट गार्डले यसकाे पुष्टि गरेकाे हाे ।
अमेरिकी काेस्ट गार्डका रियर एडमिरल जाेन मगरले पनडुब्बीकाे पाँच भाग टाइटानिक जहाजकाे एक हजार छ सय फिटमा फेला परेको पुष्टि गर्नुभयो । भेटिएको भग्नावशेष विपत्तिजनक विस्फोटसँग मिल्दोजुल्दो रहेको जनाइएकाे छ ।
टाइटानिक जहाजकाे भग्नावशेष हेर्न पर्यटक बाेकेर गएकाे पनडुब्बी जहाज गएकाे आइतवार बेपत्ता भएकाे थियाे ।
टाइटानिक जहाज सन् १९१२ को अप्रिलमा आफ्नो पहिलो यात्रामै आइसबर्गमा ठोक्किएपछि डुबेको थियो । त्यस बेला जहाजमा रहेका २२ सय जनामध्ये छ सय सात जनामात्रै बाँचेका थिए । समुद्रमा डुबेको जहाजको भग्नावशेष सन् १९८५ मा पत्ता लागेको थियो ।
केही वर्षदेखि टाइटनिक जहाजको भग्नावशेष देखाउन ओशनगेट कम्पनीले पनडुब्बीमार्फत पर्यटक लैजाने गरेकाे छ । कम्पनीले आठ दिनकाे प्याकेजका लागि प्रतिव्यक्ति साढे १ लाख डलर दिने गरेकाे छ ।
