धनगढीः धनगढी-काठमाडौँ र भद्रपुर-काठमाडौँ हवाई भाडा ह्वात्तै घटेको छ । लकडाउन अघि दैनिक जसो बढी रहेको हवाई भाडा आज लकडाउनको चौथौँ दिन भने ह्वात्तै घटेको छ ।
आज भाडा दर घटेर धनगढी-काठमाडौँ बुद्ध एयर र श्री एयर लाईन्सले प्रति यात्रु २ हजार तिन सय तोकेका छन् । भने भद्रपुर काठमाडौँ यती एयरले १ हजार चार सय ९५ र श्री एयर लाईन्सले प्रति यात्रु भाडा दर २ हजार तोकेको छ ।
यता बुद्ध एयर धनगढी कार्यालयले भने पछिल्लो समय दोस्रो चरणको कोरोना भाइरसले सृजित लकडाउनका कारण दैनिक (यात्रु मोभमेन्ट) यात्रुको संख्यामा कमी आएकोले भाडादार घटाउनु परेको बताएको छ ।
यो भन्दा पहिले भने प्रति यात्रु भाडा दर ४ हजार पाँच सय देखी माथि १२ हजार सम्म घटबढ भइरहन्थ्यो ।
