धनगढी : बैतडीमा जीप दुर्घटना हुँदा ४ जनाको मृत्यु भएको छ ।
बैतडी सदरमुकाम गोठालापानीबाट सिमारतर्फ गइरहेको जन्ती सवार जिप दशरथचन्द राजमार्गको गोठलापानी–झुलाघाट सडक खण्ड अन्तर्गत दशरथचन्द नगरपालिका ४ कलुवाड मोडमा दुर्घटनामा परेको हो । दुर्घटना हुँदा ४ जनाको घटनास्थलमै मृत्यु भएको जिल्ला प्रहरी कार्यालय बैतडीले जनाएको छ।
म १ ज ३१० नम्बरको जिप सडकबाट झन्डै ५ सय मिटर तल खसेको जिल्ला प्रहरी कार्यालय बैतडीका प्रहरी प्रवक्ता दर्शन खड्काले जानकारी दिए।
जीपमा कति जना सवार थिए भन्ने एकीन जानकारी नभएको र थप खोजी भइरहेको खड्काले बताए। अध्यारोका कारण उद्दारमा समस्या भईरहेको प्रहरीले जनाएको छ । मृतकको संख्या थप बढ्न सक्ने अनुमान छ।
