धनगढी : कैलालीको लम्कीमा एक युवकमाथि चक्कु प्रहार गरिएको छ । लम्की बजारक्षेत्रमा स्थानीय अन्दाजी २५ वर्षीय दिनेश थापामाथि आज दिउँसो खुकुरी प्रहार भएको हो ।
बजारको चोकमै दिनदहाडै उनीमाथि चक्कु प्रहार भएको प्रहरीले जनाएको छ । सोही घटनामा संलग्न एकजना युवक पक्राउ परेका छन् ।
पक्राउ पर्नेमा सोही ठाउँकै २३ वर्षीय प्रेम रावल रहेको जिल्ला प्रहरी कार्यालय कैलालीले जनाएको छ । चक्कु प्रहारबाट घाइते भएका थापाको लम्कीस्थित लालरत्न अस्पतालमा उपचार भइरहेको बताइएको छ ।
