बझाङ : बझाङको जयपृथ्वी नगरपालिका ४ गडखेत आज शनिवार देखि नेपाल टेलिकमको अप्टिकल फाइबर सँग जोडिएको छ । अप्टिकल फाईवरसॅग जोडिएपछि अव इन्टरनेटबाट हुने कामहरू सहज हुने स्थानीयले बताएका छन् ।
बझाङ सदरमुकाम चैनपुर देखि ३ किलोमिटर मात्र टाढा रहेको गडखेतमा डाडाले छेकिदा फोर जी नेटवर्कले काम नगर्दा समस्या हुने गरेको थियो । अव गाउँमा नेपाल टेलिकमको फाइबर लाइन पुगेपछि सजिलो हुने स्थानीयले विश्वास लिएका छन् ।
स्थानीय पूर्ण प्रसाद उपाध्यायले भन्नुभयो, ‘गडखेतमा यो भन्दा पहिले डाडाले छेक्दा मोबाइलमा डाटा चलाउन पनि समस्या हुने गरेको थियो , अव फाइबर लाइनमा जोडिएपछि सहज हुन्छ ।’
यस भन्दा अगाडी वडा नं. ४ को गोलाई सम्म मात्र तानिएको फाइबर लाइन गडखेत सम्म पनि पुगाउन भन्दै स्थानीयले निरन्तर माग गरेपछि नेपाल टेलिकम डडेलधुरा र नेपाल टेलिकम बझाङबाट आएको प्राविधिकको समूहले लाइन विस्तार गरेको नेपाल टेलिकम बझाङका प्रमुख बम बहादुर सिंहले बताउनुभयो ।
लाइन विस्तारका लागि कार्यालय प्रमुख सिंह शनिवार बिहानै देखि फिल्डमा आफै खटिनु भयको थियो ।
