काठमाडौँ : नेत्रविक्रम चन्द विप्लव नेतृत्वको नेपाल कम्युनिष्ट पार्टी निकट विद्यार्थी संगठनले पेट्रोलियम पदार्थमा गरिएको मूल्यवृद्धिको विरोधमा भक्तपुरमा प्रदर्शन गरेको छ । उनिहरुले आइतबार बिहान भक्तपुरमा टायर बालेर प्रदर्शन गरेका हुन् ।
विप्लव नेकपा निकट अखिल क्रान्तिकारीका विद्यार्थीले नाराबाजीसहित टायर बालेका हुन्।
शनिबार नेपाल आयल निगमले पेट्रोलियम पदार्थको मूल्य राति १२ बजेदेखि लागू हुने गरी पेट्रोल र डिजेल तथा मट्टीतेलको साबिक बिक्री मूल्यमा प्रतिलिटर ३ रुपैयाँले वृद्धि गरेको थियो।
योसँगै पेट्रोलको खुद्रा बिक्री मूल्य १४५ र डिजेल र मट्टीतेलको १२८ रुपैयाँ कायम भएको छ ।
