धनगढी : कैलालीमा ट्रकको ठक्करबाट एक युवकको मृत्य भएको छ । पुर्व पश्चिम राजमार्गस्थित जिल्लाको लम्कीचुहा नगरपालिका-१० मा ट्रकले मोटरसाइकललाई ठक्कर दिदा मोटरसाइकलमा सवार २८ वर्षीय टेकबहादुर रावलको मृत्यु भएको हो ।
आज बिहान सात बजे लु-१-ख ८९३० नम्बरको ट्रकले सुप-०१००९-प ३९२६ नम्बरको मोटरसाइकललाइ ठक्कर दिँदा रावल घाइते भएको जिल्ला प्रहरी कार्यालय कैलालीले जनाएको छ । रावलको उपचारका क्रममा कोहलपुरमा मृत्यु भएको बताइएको छ ।
ट्रक र चालक ३१ वर्षीय बुद्दीराम सुनार प्रहरी नियन्त्रणमा लिएको छ । यता मृतकका आफ्न्त र स्थानीयले उचित क्षेतिपूर्ति र न्यायको माग गर्दै पूर्वपश्चिम राजमार्ग अवरुद्ध पारेका छन् ।
